زوریله  رام  اولان  گئنه  روح  و  روانـه  باخ !

 جانیم  داریخدیران  بو داریشلیق زمانه باخ!

 رنگین خیال  ،  پرده لی یول  ، یاره لی قاناد

رؤیایه  لــَم  وئرن  قوشا  باخ   آشیانه   باخ!

 هردن دوروب اؤزوم  اؤزومی دیندیرنده خوش

گؤیدن  دئییرلر عاشیقـه  باخ  بیر  !  زمانه باخ!

 بیر  لحظه  خوش  اولاندا  روان ، طالعیم یانیر

شمع ِ وجودی  ذوب  ائله یَن  امتحانه  باخ !

 هر  قدرده  دوشه  غمه  جان ، كافیر اولمارام

عشقیم  یولونـــدا  مرحمت ِ بیكرانـــه  باخ !

یارب  اؤزون  كــرم   ائلـــه   اسرار   لـذ ّ تین

سئوگی یولوندا  سن  دادا  تك  مهربانـه   باخ